Yr atgof mwya pleserus sydd gyda fi o’m amser yn DWS yw cymeryd rhan yn y Parti Deuddeg a fu’n cystadlu, ac ennill, yn yr Eisteddfod Genedlaethol yn Nolgellau yn 1949. Cawsom ein dysgu gan Miss Menna Carrington i ganu ‘Y Mae Afon’, gan Daniel Protheroe a hefyd yr wythfed salm. Bu llawer o ymarfer, rwy’n cofio John Hughes y trefnydd cerdd ar y pryd yn dod i wrando arno ni. Ef hefyd oedd fy athro Ysgol Sul yng nghapel y Bedyddwyr yn y dre. Cael aros yn yr ysgol wedyn ar ddiwedd y tymor a rhagor o ymarferion, cyn y diwrnod mawr. Dyna gyffro pan ddaeth y canlyniad. Newydd sylwi ydwyf mai dim ond un ar ddeg o ferched sydd yn y llun, pwy sydd yn eisieu tybed? Roedd cymeryd rhan yn y cor ac yn nramau yn brofiad newydd i fi, gan fy mod wedi dod o ysgol ddyddiol yn Aberteifi a gan fod ddim modd i drafaeli i’n pentref ni ar ol bws yr ysgol, rodd yn amhosib cymeryd rhan yn unrhyw beth wedi pedwar. Dod i’r chweched dosbarth nes i a dwy ferch arall. Roedd Miss Lickes wedi bodloni i’n cymeryd ni, er fod Miss Orford wedi gwrthod. Rwy’n cofio canu carolau ar ddiwedd y tymor lan ym Mhencoed, profiad hyfryd.